teks MC resmi madura ponpes ROBIN sumenep

Assalamualaikum warahmatullahi wabarakatuh

(mukaddimah)

·       Se badan kaule molja’agi pengasuh ponduk pesantren Raudhatut Thalibin enggi ka’dhinto Drs. KH. Abd. Matin Hanafi sareng sadaja sana’ baraja’ epon,

·       Wabil khusus salera epon semolja KH. IMAM HENDRIYANTO, M.Si sebadan kaula ta’dzimi

·       Ketua sareng sadaja pengurus yayasan pondok pesantren Raudhatut Thalibin sareng sadaja sana’ baraja’ epon,

·       Kepala Madrasah Aliyah, Madrasah Tsanawiyah tor Madrasah Diniyah Raudhatut Thalibin,

·       Bhapa’-ebu tor sadaja para rabu se badan kaule molja’agi.

Komalancang abdi ngadeg mator cangkolang , badan kaula minangka pranata semo e saat mangken , edhalem settong pasemoan” HAFLATUL IMTIHAN YAYASAN RAUDHATUT THALIBIN, MTs – MA Taon pangajaran 2013/2014”.

Pamator kabidan, ngereng badan kaule sareng para rabu sadaja areng – sareng ngonjugagi poji sokkor Alhamdulillah monggu dha’ ajunan epon Allah s.w.t.  Se ka’ dhimma kantos saat mangken badan kaule sareng para rabu sadaja kengeng pan-saponapan rahmat tor barokah epon saengga kantos saat mangken jugan kengenga kasehadan tor kasempadan kaangguy rabu dhalem tareka HAFLATUL IMTIHAN YAYASAN RAUDHATUT THOLIBIN MTs – MA Taon pangajaran 2013/2014”. lerres e are mangken; Sabtu tanggal 21 juni  2013 M otabe epon 23 Sya’ban 1435 H dhalem kabadha’an sehat wal afiat.

Sholawat sareng salam malar moga tep-tepba dha’ ajunan epon Nabi Muhammad s.a.w tor jugan dha’ sadaja sana’ baraja, sahabad tor sadaja para pengikut epon. se ampon ngangkes badan kaula dhari alam kapettengan nojju dha’ alam se tera’ kalaban bada epon agama islam.

Para rabu se badan kaule molja’agi,

Ngereng tareka e are mangken ka’ dhinto kabidi sareng pamaosan suratul fatihah se pahala tor ganjaran epon badhi eatoragi monggu dha’ ajunan epon nabi Muhammad s.a.w. se badhi e seppoe sareng se molja Drs. KH. Abd Matin Chanafi bakto ka ator.

Tareka saterrosepon enggi ka’ dhinto pamaosan Surat Yasin sareng Tahlil se badi e seppoe sareng se Molja  KH. MOH. FAJAR SHODIQ, bakto ka ator.

·       Malar moga Pamaosan Surat Yasin sareng Tahlil gella’ ka Pondiya dha’ ajunan epon Allah s.w.t,

    amin ya robbal ‘alamin...

Saterros epon pamaosan Shalawat Nabi se badhi e maos sareng taretan Syaifuddin sabarundhut, bakto ka ator.

·       Kadi ka’dhinto pamaosan sholawat nabi malar mandhar badan kaule sareng para rabu sadaja kengenga Syafaat, amin ya robbal ‘alamin

Bhapa’-ebu se badan kaule molja’agi,

Tareka saterosepon enggi ka’dhinto prosesi wisuda siswa kelas akhir madrasah aliyah, madrasah tsanawiyah, yayasan raudhatut thalibin.

·       Saka’dhinto prosesi wisuda kelas akhir MTs-MA Raudhatut Thalibin taon pangajaran 2013/2014. Malar mandhar sadaja elmo se epondhut daddiye elmo se barokah,amin.....

           

·       Tareka se saterros epon engghi ka’dinto sakapor sere penang se eracek sa pamocangan, lebat dadabun ka sampornaan se bdhi e atorraghi sareng salera epon se molja Drs. KH. ABD MATIN CHANAFI, bakto kaator

·       Kadhi ka’dhinto dadabun se ampon ka ator malar moga daddiya tambana pangaoningan tor bisa’a amanfaattaghiponapa se ampon edhabu aghi sareng se molja…………… amin  3x ….yaroballa alamin.

Bhapa’-ebu se badan kaule molja’agi, sateros epon Penobatan Siswa teladan MTs-MA raudhatut Thalibin Tahun pelajaran 2013/2014.

Para rabu se badan kaule molja’agi, tareka sateros epon enggi ka’ dhinto kesan pesan se aropa agi perwakilan dhari siswa berprestasi tingkat MA Raudhatut Thalibin se badhi eatoragi sareng taretan …………, bakto ka ator.

Bhapa’-ebu, para undangan se badan kaule molja’agi, sateros epon Tausiyah agma  se badhi eatoragi sareng se molja KH. IMAM HENDRIYANTO, Msi  Dha’ se molja.  KH. IMAM HENDRIYANTO, Msi   bakto ka ator.

·       Saka’ dhinto Tausiyah Agama, malar mandhar kengenga tambe’en elmo dhari ponapa se ampon e atoragi

Sateros epon enggi ka’dhinto pamaosan du’a se badhi eatoragi sareng se molja …………… bakto ka ator

Para rabu se badan kaule molja’agi, saterosepon pisah kenang siswa kelas akhir MTs-MA Raudhatut Thalibin.

Sadja rabu tor sadaja kasemba’an sesame parjuga, kadhi ka’dhinto , peyetor tareka se ampon ka ator dhari kabidhan kantos pongkasan epon malar moga nyampornaaghiya mongghu dha’ pangghaliyan.

Badan kaula sasarengan menangka pranata semo , korang langkong epon anyo’ona sapora setadha’ bathes epon , mator sa ebu sakalangkong atas sadaja panjumorongan epon .

Dhu’ remek sekkar peleyan, gaddhing koneng, malate pote, pangarep namong tak sakaleyan , mandar oneng apangghi pole.

.